( قصه حقيقيه _ حدثت بتبوك )
وجميع الأسماء والشخصيات بالقصه حقيقيه .
السلام عليكم _
اليكم اعزائي الشباب والبنات قصتي التي حدثت معي شخصيا لتعتبروا بها لأنني من بعدها تغيرت مليووون درجه للأحسن والحمد لله :
انا شاب سعودي من تبوك واسمي الحقيقي علي الملقب بطه
متعلم ووسيم والحمد لله ولأني اميل للجنس الناعم واستلطفه كثيرا فقد كنت احاول ارقم واقز هنا وهناك المهم وفي مره من المرات رحت انا وواحد من الشباب لجامعة البنات في حي المصيف نناظر البنات ونبلتث وشوي وقفت جنبنا سيارة تاكسي وخرجوا بنتين من الجامعه وطلعوا معه عاد خويي جرئ ومتعود على المغازل وقلة الحياء _ وقالبنروح وراهم واتحدى لو كانوا رايحين البيت خصوصا انهم طالعين بدري يعني اكيد بيتسكعون واعجبتني الفكره واجد ورحنا وراهم وفعلا وقفوا عند مطعم ماكدونالدز ونزلوا وراح التاكسي ودخلنا وراهم لزوم البلوتوث وكان ضحكهم عالي
المهم مايمديني اشغل البلوتوث إلا جايني بلوتوث من وحده فيهم مسميه نفسها (عاشقة حسناء) شدني النك نيم وفتحت البلوتوث ولقيت أختنا بالله عارفه القصه كلها وكاتبه لي إحنا عارفين انكم كنتم ورانا من البدايه وانك انت وخويك جالسين بالكبينه الي جنبنا وانا عازمتكم ع الغداء .. حياكم _هند .
وريت خويي الرساله وانا والله مابنيتي شي بس خويي قام وشدني من يدي وقال مايرد الكريم إلا اللئيم قم يارجال ورحت معه ونادى خويي :يابنت ياهند وفتحت الستاره وقالت ادخلوا ياحلوين وجلسنا انا وخويي ع كرسي مقابلينها هي وخويتها وانا كنت مقابل هند أو (عاشقة حسناء) بشكل اصح
البنت صراحة جريئه مره وخويتها اجرأ منها وكشفوا وجوهم هند كانت حليوه ماعليها وخويتها عبده منتهيه ذابحتها المحنه ! لأنها أول ماشافت خويي قالت له شكلك خطير بالجنس نفسي انام معاك !! قحبه .. ماعلينا
وخويي ماصدق وصار يسولف معها
أما انا وهند قصتنا قصه ومن هنا تبدأ الأحداث الحزينه واللي انا أحد ابطالها
هند: شكلك يجنن
أنا : عيونك الحلوه وانت بعد تجننين
هند: بصراحه تكلم بنات؟
أنا :لا والله اصلا انتوا ماتعطون وجه
ضحكت هند بخبث وقالت وإذا خليتك تكلم أحلى بنت وش تقول؟
قلت :البنت شكلها ماخذه مقلب بروحها تحسبها أجمل مخلوقه !
وقلت لا انا مايهمني الجمال.
سألتها اسمك هند حقيقي وقالت والله حقيقي
وانت ايش اسمك ؟ قلت : علي
وقبل لاتتكلم قلت لها ع طاري الاسم ليش مسميه نفسك بالبلوتوث (عاشقة حسناء) قصدك حسناء المطربه !
ردت وهي تتأوه وتقول آه آآه ياعلي لا تعور قلبي تكفى
قلت سلامات ايش فيك
قالت والله ياعلي بعطيك عمري واللي تبي لو تخدمني
قلت يابنت ايش فيك وهنا قالت خويتها انسي امرها ياهند والله حاولوا فيها بنات قبل ومانفع تراك طفشتينا وياالله لازم نمشي أخاف ابوي يشك فيني قومي بسرعه واخذت هند رقمي وقالت اكلمك الليله _ بااااي
وبالليل مااستنيت اتصالها لأني حسيت اني ماارتحت لها أبدا أبدا
واليوم الثاني اتصلت هند وقالت لي بطلع من الجامعه بدري وابيك تمرني وتوديني البيت وابيك بسالفه بعد ، رحت الجامعه وطلعت البنت معي ورحنا نتمشى ونسولف المهم قلت لها ايش الموضوع الي تبيني فيه ؟!
سكتت شوي وبعدين قالت بصراحه ياعلي انا عاااااشقة حد الجنون وابيك تساعدني ولك الي تبي _ فتحت عيوني وقلت لها يابنت انت ايش قصتك تكلمي ومين هذا الي تحبينه !
قالت : هو حب من طرف واحد وبصراحه بعد انا بلاني الله بحب بنت اسمها حسناء موجوده معي بنفس الجامعه يمكن تضحك علي ياعلي بس اقسم اني اتعب كثير لو ماشفتها كل يوم وهي ماتدري وفيه بنات كثير يحبونها وعرضوا عليها الصحبه وقلبت عليهم مره وحده
وأنا حاولت اتقرب لها وهي طيبه مره تسلم علي بس ماتدري عن النار الي بصدري واني نفسي اضمها وابوسها !!
هنا تأكدت اني طبيت بوحده شاذه وخبله وتركتها تتكلم عن حسناء وتشكي اشواقها والامها امحق الآم والله _ إلى هنا الوضع تقريبا طبيعي لحد ماقالت لي هند : اظن انك فهمت ايش ابي الحين
قلت: لا والله ايش تبين
قالت : يااهبل ابيها تصير خاتم باصبعي وماتمشي مع أحد غيري والله تعبت نفسيا
قلت :يعني ايش اسوي
قالت : تجيب راسها!!
قلت بتعجب : يعني ايش اسوي يابنت الحلال روحي لها وقولي انا احبك وابي اصادقك
قالت:انت موب فاهم انا مابيها صديقه وبس انا ابيها حبيبه ولي لحالي وهي ماترضى تسوي علاقات زي كذا واليوم تحدوني البنات اكلمها وفعلا كلمتها وصدتني وجرحتني وصرت مضحكه للبنات انا ابي اكسر عينها عن طريقك واضمن انها ماتبعد عني
ياعلي ابيك تشبكها وتسجل عليها اوتصورها المهم تتصرف يعني انت رجال منت قادر تجيب بنت خلاص رجعني البيت وانسى رقمي _ وجع
ولأني ماكان عندي ضمير وماكان يهمني غير شهواتي ومتعتي قلت لها والله لأجيبها بس لا تزعلين نفسك
وش تبيني اسوي قولي
قالت : أنا ارسلت عليها اثنين قبلك وجابوا لي زق وماقدروا عليها أخاف انصدم فيك انت بعد قلت : ماعليك بس قولي ايش اسوي
أعطتني هند رقمها واسمها كامل وتخصصها ومعلومات دقيقه عنها حتى محاضراتها وايام التفرغ عندها _ وديت هند البيت وجاء الوقت اللي لازم اثبت فيه جدارتي وذكائي ورجولتي قدام هند
وهنا تبدأ حكايتي مع أذكى بنت بالعالم (حسناء) ولا تستغربوا اني اقول كذا لأنكم راح تعرفوا بعد ماتقرأوا القصه كامله
أتصلت عليها وماردت وكررت الإتصال مره وثنتين وثلاث وماحد رد زهقت وارسلت رساله وكتبت ردي علي ضروري ياحسناء أنا صديقتك منى _كتبت منى لأن المعلومات اللي عندي تقول ان منى صديقتها المقربه ورجعت اتصلت وردت قالت :الو بصوت ناعم جدا
قلت: الو استني شوي لا تقفلي افهميني
قالت: اكثر لا كثر الله الرخوم عشان كذا عارف نفسك ومسمي روحك منى وقفلت بوجهي !!
رجعت اتصل مليون مره ومافيه أي رد . وفكرت ارسل لها صورتي قلت يمكن إذا شافتني حلو تكلمني وفعلا ارسلت صورتي ودقايق جاني منها مسج كاتبه لي : ياخساره ماجاني شي بس جتني رساله مكتوب فيها لا يمكن عرض الرساله لبشاعة المنظر اللي راح يطلع لك ههههههه غريبه اول مره يصير معي كذا _ ياورع انقلع !!! بصراحه احرجتني وجرحتني رسالتها
والصباح اتصلت عليها وماردت وشوي جاني مسج منها إلى الآن انا محتفظ فيه كتبت فيه (شوف ياخنيث أنا اصعب بنت .. يعني لو تجي لي بكل الوسايل مايمديك على شي ولو فكرت تستمر بإزعاجك راح اخليك تندم انت واللي ارسلك _ أحفظ رسالتي هذي زييين ياشاطر) انتهت رسالتها اللي استفزتني حيييل وكلمت هند وقلت لها وقلت لها بعد ان البنت قهرتني ولازم فعلا اجيبها والعن والديها ع هالكلام ضحكت هند وقالت انا نسيت اقولك انها قشرا عند اللزوم وقالت شوف أنا بروح لها اليوم واعرض عليها الصحبه ولو مارضت راح اضطر اكسر عينها قفلنا _ وبعد 3ساعات تقريبا كلمتني هند وهي تبكي وتقول صدتني وهزأتني قدام البنات ياعلي الله يلعنها خلتني صغيرهبعينهم وفقدت اعصابي وهددتها ايوه هددتها وقلت لها راح اخليك تندمي وجلست بدوري اهدي بالبنت وسألتها ليش هزأتك وقالت بس لأني قربت منها وبستها بسرعه على شفايفها ودفتني وقالت انقلعي ياشاذه ياحقيره ياتربية الزباله
أنا تربية زباله ياعلي !!عز الله انها صادقة_ هديت البنت وقلت مالك غير اللي ياخذ لك حقك ومريت هند واخذتها من الجامعه ورحنا شقة واحد من الشباب وخلتني اسوي معها كل شي وبعد مااستانسنا شوي جلسنا نخطط والشيطان ثالثنا ايش نسوي وجت على بالي خطه تنسف حسناء ورا الشمس وهي اننا ندبسها بقضية مخدرات مره وحده بطريقة ما واعجبت الفكره هند
كثير وطلعنا من الشقه وقالت لي هند خلينا نمر الصرافه ابويه محول لي فلوس ورحنا وسحبنا الفلوس وكانت 3000
أعطتني 200وقالت هذي البدايه وبعدين راح اعطيك عمري
رجعت هند البيت ورحت لبياعين الحبوب واخذت كم حبه وباليل كلمت هند واتفقنا ايش راح نسوي بالضبط وبعد ماقفلت ورحت اشيك ع الحبوب مالقيتها ضاعت دورت هنا وهناك وماحصلتها والصباح قلت لهند وزعلت مني بس قالت ماعليه انا اقدر ادبرها بالراحه وقابلتها بعد يومين عشان نشبع شهواتنا وبعدين طلعت من شنطتها قصدير فيه 11 حبه وقالت والله لأربيها !! (أي تربيه ياهند) سألتها كيف دبرت الحبوب قالت انا قلت لك قبل كذا اني اكلم شباب وخلاص لا تسأل رجعت هند البيت وكنت مستانس لأن هند كانت واعدتني بجوال ورقم مميز إذا تمت العمليه بنجاح وأخذت جوالي وكتبت مسجات لحسناء اقولها فيها ان يومها قرب وجاني الرد عنيف جدا وكتبت ( طول عمري اسمع عن علوم الرجال وهالحين متشوقه اشوف افعال الرخوم _ انقلع ياورع دور على أمك ) !! انقهرت جدا وزادت رغبتي بالانتقام واليوم الثاني وكان اربعاء كلمتني هند وقالت لي ان حسناء صالحتها ؟!! وفجأه قفل الجوال ودقايق اتصلت هند وهي بقمة السعاده وقالت ان جوالها طاح وانكسر وحطت شريحتها بجهاز حسناء وانها تبي تقفل هالحين وبعدين تكلمني .
العصر كلمتني هند وقالت انها مانست الي سوته البنت فيها وانها لسه عندها رغبه بالانتقام
وبعد يومين تمكنت هند من الحصول على شنطة حسناء بمساعدة إحدى صديقاتها وبسرعه عملوا فتحه صغيره بالشنطه وحطوا فيها قصدير الحبوب وهنا راحت هند لحسناء وحاولت تزبط العلاقه عشان تراقب الوضع من قرب وتقدر تسأل حسناء عن اللي راح يصير لها فيما بعد وبعدين راحت حسناء لمحاضرتها واثناء المحاضره اقتحموا القاعه بنات الأمن وهذا طبعا بناء على بلاغ احدى صديقات هند ان الطالبه حسناء تروج حبوب للبنات وفعلا دخلوا بنات الأمن وأخذوا حسناء وشنطتها واتصلت علي هند اللي كانت تراقب الوضع من بعيد لبعيد وبشرتني وهي في قمة السعاده وهنا تأكدت ان حسناء انتهت للأبد ولكن دون أي ذنب اقترفته يداها _ أما هند بقيت تنتظر نتائج المكيده الحقيره وبعد وقت طويل خرجت حسناء وتجمعوا صديقاتها يسألوها وهي ماترد على أحد وراحت لحالها ولحقتها الأفعىهند وسألتها ايش صار وردت عليها حسناء بألم وقالت : أنا انتهيت ياهند انتهيت وراحت وهند طايره من الفرحه ولما قالت لي هند ع السالفه مدري ايش اللي خلاني ارسل مسج وكتبت فيه ( كيف بس ايش رايك بالضربه هذا عشان ماتحطين راسك براسي ياكلبه) وبمجرد ماارسلتها صابتني حالة حزن شديده وبدأ تأنيب الضمير وكأني ماكان عندي قلب وفجأه خلق لي ربي قلب وإحساس
وباليل والله ماقدرت انام وصرت اتصل ع جوال حسناء ومقفول تخيلت ان البنت ممكن تروح قصاص او يحكم عليها بالسجن اقلها 15 سنه وشوي اتصلت علي هند وقالت :علاوي حبيبي خليني اشوفك بكره عشان نحتفل بهالمناسبه الحلوه
قلت : ياهند حنا جنينا على البنت العمر كله
هند: والله انك مسكين نسيت انها سبتك وهزأتني وكلها يومين وتنسى كل الحكايه ولا انت حبيت البنت ؟!
سكت وأنا قلبي يوجعني وعدا اسبوع وانا اتصل ع جوال البنت ومقفووووول وأسأل هند عنها تقول البنت ماداومت وصرت احلم فيها كثير وافزع من النوم وماتهنيت ولا ارتحت من لما صار اللي صار وكرهت شي اسمه هند وصرت ماارد على اتصالاتها ورسايلها وكل همي وتفكيري كان بحسناء وبيوم كان الوقت ظهر جاني اتصال من رقم غريب ورديت وكانت بنت وقالت لي أنا منى صديقة حسناء وهي مامعها جوال وتبيك ضروري تقابلها الحين بواحد من المطاعم
ورحت زي المجنون هناك ومابراسي اي شي غير اني اشوف ايش فيها واتطمن عليها دخلت المطعم واتصلت ع منى عشان اعرف هي وين بالضبط ووصفت الكبينه اللي هي فيها وقالت لي بعد اني راح القى هند قدامي لأنها تبغانا إحنا الاثنين ضروري وبالنسبه لي كان تفكيري مشلول تماما وكل همي اشوفها ودخلت الكبينه
وفعلا لقيت هند وكانت مرتاحه وقالت والله كسرنا البنت اتصلت علي وانا بالكليه وتقول ابي اشوفك انتي وخويك انا تعبانه نفسيا وفضولي دفعني اجي اشوف ايش سوت
وهنا حسيت ان فيه كمين معمول لنا وقلت لها : وين حسناء طيب ومايمديني اكمل إلا هذولا رجال الهيئه والشرطه مداهمين المكان وداخلين علينا ضربوني وسحبوا هند تدرون ايش قضيتنا مو خلوه غير شرعيه فقط لااااا مخدرات بعد !!! وبالقسم تم تفتيش شنطة هند وكانت المفاجأه انهم طلعو منها قصدير فيه 11 حبه !!! وبدأ التحقيق والتجريح والضرب والتقطيع لي ولها
وانفضحنا شر فضيحه وبتحليل دمي ودم هند تبين ان هند تاخذ حبوب وهي فعلا اعترفت لي قبل كذا انها تاخذ حبوب ولو مادبرتها انا لحسناء كانت هي راح تدبرها
وبعد مااكلت ضرب وزق وحكموا علي 300جلده طلعت وأنا ماادري عن هند ايش وضعها وايش صار معها
المهم ... بعد 3 أيام اتصلت ع حسناء وردت علي
وقالت وهي تضحك : حمدلله ع السلامه(كيف بس الضربه هذا عشان ماتحط راسك براسي ياكلب)
قلت: انا عندي سؤال واحد وابي اجابته
قالت:وأنا عندي جواب واحد وابيك تسأل _ أسأل وضحكت بصوت عالي وتأكدت انها منتصره بنسبة 100%
قلت: الحبوب كيف صارت ... وقبل مااكمل قاطعتني وقالت شوف ياشاطر من البدايه قلت لك راح أخليك تندم انت واللي ارسلك وماسمعت الكلام
قلت: ماجاوبتيني كيف الحبوب اللي حطيناها بشنطتك صارت بشنطه هند ورحنا حنا فيها وانت طلعتي منها ؟!
قالت: بالاستغفار تخرج من جهنم فما بالك بالأمور اللي زي كذا ... بالاستغفار ترتبت كل الأمور لصالحي والحمدلله اللي ماخاب من دعاه وتوكل عليه
قلت : يابنت فهميني كيف صار اللي صار والله اني كاره الدنيا وابي اعرف انت كيف قلبتي السالفه على روسنا
قالت : والله ان قلبي يتقطع على هند بس انتوا نويتوا فيني شر وكان لازم ارد لكم الصاع صاعين
ياعلي من يوم ماتهاوشت مع هند وكثرت اتصالاتك انت علي عرفت انك من مراسيلها وصرت اشوف حلم يتكرر معي بهذيك الفتره وهو ان حيه كبيره تطردني بالجامعه وكنت ابكي واقولها انا نحيفه لا اسمن ولا اغني من جوع روحي دوري وحده دبه وكانت تقول نفس الكلام اللي انت تكتبه برسايلك لي
وتفسير الحلم طبعا ان الحيه عدو لدود يتربص بي وفهمت انا انك انت العقل المدبر وانك راس الحيه وهند اللي تنفذ وبشكل ما راح تدسون لي السم بدون ذنب_ وهنا قلت بيني وبين نفسي سبحان الله فعلا انا المدبر وهند اللي نفذت والسم كانت الحبوب
وتكمل حسناء كلامها اللي كان كله حكمه وتقول : أنا ماانكر اني خفت على نفسي وكان لازم اتقرب من هند عشان اعرف ايش مدبرين لي وتعمدت استفزك بكلام جارح ورحت لهند وعزمتها ع الفطور واعتذرت منها ولاحظت انها اتصلت عليك وبفضل من الله وحكمه طاح جوال هند وهنا جاء دوري لإقتناص الفرصه ونزلت شريحتي بسرعه واعطيتها الجهاز وقلت حطي شريحتك وكملي مكالمه وكانت هند فرحاااانه مره يمكن لأني اعطيتها وجه _ حطت شريحتها وبسرعه شيكت ع الرسايل وقلت لها لاتخافي ماتبين الرسايل حقتك
والبنت كانت كأنها مضطربه او فرحانه ماني فاهمه المهم قامت وقالت بجيب لنا بيبسي قلت روحي وتركت الجوال عندي وخطفت الجوال بسرعه ورحت لأوضاع الرسايل وعملت نسخ لرسايل بطاقة الsim
لذاكرة الجوال وجت هند وجلست معاي وقالت لي انها تعشقني وكلام تافه زي كذا وبعدين استأذنتها اروح واعطيتها شريحتها ورحت
روحت البيت وكان يوم اربعاء واطلعت على رسايلك ياأخ علي وفهمت الوضع و عرفت ان فيه فخ ينصب لي و جلست خميس وجمعه افكر مو كيف اتقي شركم لااااا ياعيوني كنت افكر كيف اقلب السحر على الساحر وارد كيدكم في نحوركم
ويوم السبت جتني هند وشلتها السرابيت وقالت لي ابي آخذ منك حاجه اتذكرك فيها قلت: والله لو أني بيونسي ماأخذتي حاجه للذكرى ، حاجة ايش ؟!
قالت:اي حاجه روج ،عطر،ساعه للذكرى وراح بالي انها بتسوي لي سحر وبسرعه قالت وين شنطتك انا اشوف لي اي حاجه تعجبني
قلت: شوفيها هناك ع الطاوله وراحت تجري ودخلوا زميلاتها عرض يسوون حالهم يسولفون معي عشان ماالحق هند
وشوي جت هند جايبه المحفظه حقتي وقالت عاجتني المحفظه
قلت: فداك
وراحت هند وزميلاتها ورحت ان لمحاضرتي وقبل لاتبدأ المحاضره بدقايق سويت تفتيش دقيق لشنطتي وانتبهت للفتحه الي فيها الحبوب وبسرعه طلعت القصدير وحطيته بالجزمه وبالصدفه كانت معاي حبوب فتح الشهيه طلعتها من الشريط ونثرتها بالجيب الداخلي للشنطه وجلست استغفر ربي واقول اللهم اكفنيهم بماشئت وهنا دخلوا بنات الأمن واخذوني ورحت للعميده الي كانت تعرفني وعلاقتي فيها حلاوه وفتشوني ومالقوا شي غير حبوب فتح الشهيه وضحكت وقلت للعميده اني اخذت من الحبوب قدام البنات قبل لا افطر وسألوني عنها وجلست استهبل عليهم واقول لهم انها حبوب منشطه وشكلهم خافوا و بلغوا عني واعتذروا مني بنات الأمن وتقهويت مع العميده وطلعت ولقيت هند قدامي مسويه فيها العنز الوديعه ! وتسألني ايش في ولأني كنت ناويه ارد لكم جريمتكم بجريمه افظع قلت لها اني خلاص انتهيت مثل ماانتم مخططين طبعا
انتم كذا نفذتوا مشروعكم بدون خوف من الله وبفضل الله خرجت انا سليمه بدون اي خدش والحمد لله
وجاء دوري عشان انفذ تهديدي اللي ارسلته لك بأول مسج
والأهم من هذا كله لقيت ان اللي مثلك انت وهند وشرواكم مكانه ياالسجن يالمقبره يامستشفى شهار يالزباله الصفراء الكبيره وإذا ماتحب الأصفر نخليها الخضراء لعيونك الحلوه !! كل هالتجريح وأنا ساكت لأني مالي وجه اتكلم والبنت معذوره ومعها كل الحق
وتكمل حسناء كلامها القاسي وتقول بإنفعال : يقولون البادي اظلم أما انا كان لازم يكون ردي اظلم واظلم
واوقفكم عند حدكم للأبد لأنكم تشكلون خطوره على المجتمع وعلى بنات الناس بشكل خاص وإذا انا عديت سلامات غيري بتطير ارقابهم من نذالتكم يامرضى وهنا بديت اخطط وأول شي فكرت فيه هو اني اتغيب عن الجامعه لزوم نجاح خطتي مو خطتكم وبمساعدة صديقتي منى قدرت اعرف شوية معلومات عنكم تفيدني وجاء وقت التنفيذ وارسلت منى لهند وتمكنت من شنطتها وبنفس الطريقه عملت فتحه صغيره بالشنطه وسقطت الحبوب فيها _ تدري ياأخ علي أنا عندي أمانه مو صاحيه ماأحب آخذ شي مو لي والحبوب حقتكم ورجعتها لكم شفت كيف اني بنت حلال !! تضحك بصوت عالي وتكمل :
وبعدين اتصلت عليك وعلى هند وجمعتكم واتصلت على الشرطه بس مااتصلت على الهيئه لكن انتقام الله اقوى وربي اراد فضيحتكم بجلاجل وباقي العلم عندك يابو الشباب _ وقبل لا اقفل بقولك كلمتين العب ع قدك واضحك ع نفسك بس أنا ماأحد يقدر يوصلني لو تجتمع انت واخوياك وقبيلة شياطين والله ماتوصلني فهمت ؟! والشغله الثانيه بذكرك بأول رساله ارسلتها لك وقلت لك فيها راح اخليك تندم بس شكلك ماندمت وهذا انت رجعت تتصل .. كيف يعني تبغاني العن والديك واسوي فيك شي ماشفته لابحلم ولا بعلم ولا بفلم .. شوف لا تتصل علي وامسح رقمي من جوالك لأني مااتنازل ان رقمي النظيف يكون بجوال نجس مثل جوالك
فاااااارق يانذل ، يو آر ستينكي! عشان كذا بقفل وقفلت الخط . وهذاك حد علمي فيها ... (قالتها هند قشرا عند اللزوم )ولو اعطتني فرصه اتكلم كنت راح اقول لها :
*برافو حسناء لأنك أحسنت التصرف
*برافوا حسناء لصبرك واهنيك على ذكائك ودهاءك
*برافو حسناء وياليت كل البنات زيك
* برافو حسناء لأنك مافكرتي تتغدي فينا قبل لا نتعشى فيك ولكن عرفتي من اين تؤكل الكتف
*برافو حسناء لانك اعطيتيني درس احدث تغير كبير بحياتي وماراح انساه
*برافو حسناء لأنك بعقلك وعبقريتك قدرتي تطلعين من بين فكي الأسد واتمنى لك التوفيق واللي مثلك ماعليها خوف
*برافو حسناء لأنك ببعد نظرك وايمانك بالله نجيتي من موت محقق
*برافو حسناء برافووووو
# أما هند أختفت للأبد ومدري ايش صار عليها وإلى الآن وانا اتحرى عنها دون فايده ...!!!
الخميس يوليو 22, 2010 9:46 am
[b]