السلام عليكم ورحمة الله وبركاته
قصيده اعجبتني وتعاطفت معها
الله يعين الي صارت له السالفه رغم اني مااتوقع ان الاب يفرق بين اولاده
مهما حدث لكن عجيبه هالدنيا !!!!!!!!!
اترككم مع هالابيات ,,,,
الله أمر بالوصل من بين الاقارب***وحنا بوقت زايد(ن) بالقطيعه
وانا من الي شفت بالحيل منصاب***وضاقت علي الارض لو هي وسيعه
يابوي أنا من صدتك عارضي شاب***وحطيت في تسبدي جروح(ن) شنيعه
مغير اهوجس مثل منهار الاعصاب***انا أشهد ان صدك عني وجيعه
ولا لقيت لها تفاسير اسباب *** ومعاتبك محرمه في الشريعه
شفت المهونه من شبابآ وشياب***وانا عن الحقران نفسي رفيعه
لاني بسربوت ولاني بكذاب***ولا لي مع الانذال شريه وبيعه
يابوي أفك الباب وتسكر الباب***وخصيتني يابوي في هالطبيعه
حتى أصغر الاخوان كشرلي الناب***ماكني الا بايق(ن)لي وديعه
ولاحدآ أخذلي شور في كل الانساب***يالله دخيلك من حياة الهزيعه
ويوم النزايل يا يبه صرتوا أحزاب***أحدآ نزل هيضل وأحدآ فالوديعه
ترا المعونه جات من رب الارباب***لاحد(ن) يحسبني برجوا صنيعه
لكن أبي جمع القرايب ولأحباب *** قدام كلن يغلق الموت ريعه
صارو أخواني عند ورعاني أغراب***شيآ يولع في ضميري وليعه
اليا سألوني يغرق الدمع الاهداب***يالله عسى من لامني للفجيعه
يونس على تسبده مثل عضة الداب***ورحم أعياله لو الامر مايطيعه
يابوي طيرك له جناحن ومخلاب***يحط في ربت الحباري فنيعه
ماهو بحق انك تحطه بسرداب***وتحمله من فوق ما يستطيعه
حطه على يمناك وتشوف الاعجاب***وافخر بطلعات مع أهل الطليعه
الثلاثاء فبراير 14, 2012 12:47 pm